اتقفلت كل البيبان

(اتقفلت كل البيبان)
مفيش قدامى باب مفتوح...كل واحد قفل بابه
ورجعت انا بقلب مجروح...واللى جرحنى كان دايما يقول انى اعز اصحابه
كان لما يجينى ويقولى محتاج... ويمد لى ايده اديله ومن غير حساب
وعمرى فيوم ماوقفت على بابه وطالبته...حتى لما تقل حسابه
ولما افكر واقول اطالبه ارجع تانى...واقول ازاى .هو انا مش اعز اصحابه؟
والناس تقول على ايه...راح لصاحبه وخبط بابه
علشان ليه قرشين مش قادر يستنى...جرح صاحبه زود همه وعذابه
بلاش..انا ف غنى عن كلام الناسالى لا يرحم ولا يستر اللى ساتره ربه
بس انا مديون ومفيش فى جيبى فلوس...كترت على الديون ووقف حالى
واللى بيطالبنى اقولو استنى...بكلاه تفرج يقولى وانا مالى
تفرج ازاى والحال واقف هى السما هتمطر فلوس...ادينى اللى لى مفيش اكل لعيالى
ماشى ياعم خلاص بس ياريت تدينى يومين...وانا واثق انى ربنا هيعدلهالى
وهتفرج ومن وسع عن قريب...وان داقت مهما داقت بيسهلهالى
خلاص ماشى كلامكيومين وانا جايلك...سلام.اوعى تنسانى.يومين وجاى تانى
وصاحبى الغالى جانى...يقولى مالك ايه اللى غير حالك
بتفكر فى ايه.وليه حزين ومهموم...احكيلى وقلى ايه اللى جرالك
قلتلو مفيش.قلى هو انا مش عارفك...اكيد فى حاجه شاغله بالك
قلتلو علىّ ديون والناس بيطالبونى...ومعايامهاه يومين واقول لمين ادينى
ولو مدفعتش ممكن يحبسونى...ومش عارف ازاى اسدد دينى
اوقف جنبى شويه وساعدنى...خلينى اقدر اسدد ديونى
قالى واجبلك منين...هو انت ناسى ان انت اللى كنت بتدينى
واللى معايا دول مقدرش اديك منيهم...ولا حتى اقدر اقرب عليهم
انا دول على جنب شايلهم...يمكن بكره احتاج ليهم
بس انت عارف ما بعزش حاجه عليك...وانت لو اخدت منيهم هتتاخر ومش هتجيبهم
يبقى الاحسن لى انى مكانهم اخليهم ...يمكن بكره او بعده احتاج ليهم
وانت فكر اكيد هتلاقى طريقه...تسدد بيها الدين اللى عليك
انهارده الدنيا قاسيه بكره الدنيا تضحك ليك
انا ماشى هتعوز حاجه...شكرا ّ(ياصاحبىّ)ربنا يخليك